معجزة جديدة مصر شغالة عليها وهتكون هيا مستقبل الاقتصاد العالمي من الكهرباء.
يا ترى ايه اللي بتعمله وزارة الكهرباء في قطاع الكهرباء.. وآية النقلة النوعية اللي بتستهدفها الدولة من الاستثمارات الأجنبية الكتيرة اللي دخلت للسوق المصري في بناء المحطات الجديدة.
في الوقت الحالي الدولة مركزة بدرجة كبيرة جدا علي قطاع الكهرباء علشان توفر الطاقة اللازمة لكل الاستخدامات، خصوصا إستخدام قطاع الصناعة وده بعد الاستثمارات الكتيرة اللي دخلت للسوق المصري والمصانع اللي بقت موجودة في كل شبر في ارض مصر، واللي هيا قائمة بشكل أساسي كامل علي الطاقة سواء كانت كهرباء أو بترول.
في ثورة كبيرة بتحصل في قطاع الكهرباء والطاقة في مصر.
مصر بقي عندها استراتيجية للتوسع في مجالات الطاقة الجديدة والمتجددة واللي مصادرها الأساسية هيا الشمس والهواء، ودول مفيش أكثر منهم في مصر، وعندنا مساحات صحراوية وجبلية كتيرة ممكن الدولة تستغلها علشان تبني المحطات الجديدة وتتوسع في إنتاج طاقة العالم كلها بيدور عليها ومستهدف يشتريها بملايين الدولارات علشان يأمن الإضاءة والطاقة المطلوبة للانارة والتصنيع.
طيب ايه اللي بتعمله مصر في مجالات إنتاج الكهرباء من محطات الشمس والهواء؟.
خلال الكام سنة اللي فاتوا الدولة فتحت الشوق المصري قدام الشركات الأجنبية وشركات القطاع الخاص للدخول والاستثمار في بناء محطات الطاقة المتجددة واللي هيا بتعتمد في توليد الكهرباء علي الشمس والهواء.
وكان أول قرار للدولة هو تعديل التشريعات اللي كانت عقبة كبيرة قدام الشركات وكانت السبب قفل السوق المصري قدام نوع مهم من الاستثمارات.
الدولة عدلت التشريعات وعملت مشروع قانون جديدة للكهرباء واللي طرحت تحفيزات وتسهيلات كبيرة للشركات الأجنبية للدخول للسوق المصري والإستثمار في بناء محطات الطاقة الجديدة والمتجددة.
في خلال سنين قليلة مصر قدرت أنها تصيف ما يقرب من 3000 ميجاوات من الطاقات المتجددة ودي اللي سندت الدولة في أزمة نقص التغذية علي الشبكة الموحدة للكهرباء ووفرت علي مصر ما يقرب من 500 مليون جنية شهريا كانت بتدفعهم شهريا علشان تستورد غاز طبيعي ومازوت تشعل بيهم محطات توليد الكهرباء.
الإنتاج الجديد لمحطات توليد الكهرباء من الشمس والهواء هتكون نسبة كبيرة منه موجودة للتصدير الي الخارج، خصوصا أن مصر عندها عدد كبير من مشروعات الربط الكهربائي مع دول ليبيا والسودان في قارة أفريقيا ومع دولة السعودية في قارة آسيا ومع قبرص واليونان في قارة أوروبا، وحاليا في دراسات لإنشاء خطوط ربط كهربائي مع ايطاليا ودي كلها هتكون مصادر جديدة لمصر لزيادة إيرادات الدولار عن طريق تصدير الكهرباء للدول الخارجية.
التعليقات