مع تزايد الإقبال على أنظمة التقسيط لشراء السلع والخدمات، سواء إلكترونيًا أو من خلال المتاجر، بيبقى ضروري جدًا إنك تعرف حقوقك كمستهلك، وخصوصًا التفاصيل اللي لازم تكون واضحة في الفاتورة. لأن أي نقص أو غموض ممكن يسببلك مشاكل قانونية أو مالية فيما بعد.
إيه أهمية الفاتورة؟
الفاتورة مش مجرد ورقة، دي وثيقة قانونية بتثبت عملية الشراء، وبتحدد شروط الدفع وحقك في الضمان والاسترجاع. وعلشان كده، لازم تتأكد إنها متوافقة مع المعايير المحددة من جهاز حماية المستهلك.
البيانات اللي لازم تكون في الفاتورة قبل التقسيط:
- اسم البائع أو الشركة
لازم يكون اسم المتجر أو الشركة واضح، ومعاه العنوان ورقم السجل التجاري أو البطاقة الضريبية. - بيانات المشتري (لو مطلوبة)
أحيانًا بيكون من الضروري إدخال اسم العميل ورقمه القومي، خصوصًا لو التقسيط من خلال شركة تمويل. - تاريخ الفاتورة
ده بيحدد بداية فترة الضمان ومواعيد الأقساط. - وصف تفصيلي للمنتج
لازم يتكتب نوع المنتج، موديله، لونه، وكافة المواصفات. - سعر المنتج شامل الضريبة
مهم تعرف السعر الكلي بالضريبة، وكمان قيمة كل قسط لو كانت الفاتورة خاصة بنظام التقسيط. - مدة التقسيط وعدد الأقساط
المدة الإجمالية، وعدد الأقساط، وقيمة كل قسط. - سياسة الضمان والاستبدال والاسترجاع
لازم تكون مكتوبة بوضوح، وتوضح المدة والشروط.
لو الفاتورة ناقصة؟
في الحالة دي، ليك كامل الحق إنك تطلب فاتورة سليمة. ولو الشركة رفضت، تقدر تقدم شكوى لجهاز حماية المستهلك، وهيتم التحقيق فورًا، وفرض غرامات على التاجر المخالف.
نصيحة أخيرة قبل ما تقسط:
اقرأ البنود كويس، وافحص الفاتورة قبل توقيعك على أي ورق. ومهما كانت المغريات، خليك ضامن إنك بتتعامل مع جهة موثوقة، والفاتورة بتغطي كل التفاصيل القانونية اللي تحميك.
في التقسيط.. اللي يضمن حقك هو الورق الصح!
التعليقات