بيقولوا إن الفراولة عاملة أزمة.. الفلاحين بيرموها؟.. بس إيه حقيقة الكلام ده .. تعالى اقولك؟
مزارعين كتير استغاثوا وقالوا إن التصدير وقف لدول معينة، وده خلى محصولهم يتبهدل يتحملوا خسائر كبيرة
نقيب الفلاحين حسين أبو صدام قال إن المشكلة أصلها فائض إنتاج.. المساحات المزروعة فراولة زادت بشكل ضخم، وفي نفس الوقت الأسعار نزلت جدًا.
ده غير إن أي شحنة مش مطابقة للمواصفات التصديرية بترجع.. وممكن يحصل تلف في النقل أو التخزين أو حتى مشاكل في المقاسات.. بس المصيبة الأكبر ان الزراعة عندنا د زي ما قال النقيب بقت عشوائية”!
كل واحد بيزرع اللي هو عايزه.. مفيش دورة زراعية، ولا زراعة تعاقدية.. الفراولة كانت بتعمل دخل عالي فـ كل الناس زرعتها والنتيجة إنتاج كبير أكتر من المطلوب، فالسعر وقع والمحصول اتضرب.
طيب والحل؟.. الحل إن الدولة تتدخل وتفعل الزراعة التعاقدية.. يعني محدش يزرع حاجة غير باتفاق مسبق مع شركات تشتري منه.. وبكده نمنع العشوائية ونحافظ على الفلاح وعلى سمعة محاصيلنا.
التعليقات