قبل ما يبدأ موسم التخفيضات وتلاقي نفسك تايه بين آلاف العروض، جوجل نزلت 4 طرق ذكية هتوفر عليك وقت ومجهود وهتخليك تجيب أحسن صفقة من غير ما تدور كتير.
الموضوع بسيط ومع بدء اليوم الجمعة العروض والاتنين الإلكتروني 1 ديسمبر، جوجل أعلنت إنك تقدر تستخدم الذكاء الاصطناعي في تطبيق Gemini ووضع AI في البحث علشان تتسوق أسرع وبذكاء.
أول حاجة تعملها تتبع الأسعار، يعني أول ما تلاقي منتج عاجبك، دوس على “تتبع السعر” والذكاء الاصطناعي هيبعتلك إشعار أول ما يوصل أقل سعر ليه في أي متجر.
بعدين تحديد المواصفات اللي انت عايزها، قوله اللون والمقاس والسعر اللي يناسبك وأول ما المنتج يتوفر في عرض مناسب، هتلاقي إشعار جاهز.
تالت حاجة ميزة الدفع الوكيل في أمريكا وبعض الأسواق الذكاء الاصطناعي يقدر يكمل عملية الشراء بدل منك عند التجار اللي بيدعموا الميزة.
بعدين قول للذكاء الاصطناعي تفاصيل الشخص اللي هتشتريله، وهيرشح لك منتجات مناسبة ومعاها تقييمات وعروض ومخزون.
ومش بس كده تقدر تستخدم ميزة “اتصل بجوجل” علشان يتواصل هو مع المتاجر المحلية ويعرف لو المنتج اللي عايزه متوفر، وبعدها هيبعتلك التفاصيل في رسالة أو إيميل.
ولو هتشتري لبس جوجل عاملة ميزة التجربة الافتراضية تقدر تشوف هدومك على جسمك قبل ما تشتري، بفضل قاعدة بيانات ضخمة فيها مليارات المنتجات.
يعني السنة دي التخفيضات مش محتاجة لف ودوران محتاجة ذكاء!
التعليقات