من نقل رمسيس من الميدان لـ موكب المومياوات.. مسيرة الكباش الحدث الأضخم في القرن ال٢١ افتتاح اكبر متحف في العالم.. محطات مصرية أبهرت العالم .. دخلت ملايين الدولارات للبلد وعملت دعايات عالمية لمصر.
نبدأ بمعجزة القرن حرفيا.. نقل تمثال رمسيس.. فلك أن تتخيل تمثال وزنه ٨٣ طن يتنقل من مكان لمكان تاني خالص.. كل خطوة فيه كانت محتاجة دقة اكبر المهندسين قضوا أربع سنين كاملين بس يدرسوا كل تفصيلة.
لحد ما وصلوا لنموذج قبل النقل واخترعوا حلول عبقرية عشان يوصل التمثال من غير أي ضرر يوم ٢٦ أغسطس ٢٠٠٦.
تحديدا الساعة ١٢ منتصف الليل بدأ التمثال يتحرك وسط احتفالات وتشجيع من الناس.. لحد ما وصل تاني يوم الصبح وهنا كان اعلان مرسي لبداية أعظم مشروع.. مشروع المتحف الكبير.
ندخل بقى على. الحدث اللي قلب العالم حرفياً.. واللي مافيش قناة فضائية الا لو كانت بتعرضه.. موكب المومياوات الملكية.
سنة ٢٠٢١ مصر أبهرت العالم تاني موكب المومياوات الملكية ٢٢ مومياء من أعظم ملوك وملكات مصر القديمة اتحركوا من المتحف المصري بالتحرير للمتحف القومي للحضارة في الفسطاط العربيات كانت مزينة بالنقوش الفرعونية اللي متجهزة بأحدث الأجهزة عشان تحافظ على المومياوات.
الناس كانوا واقفين على طول الطريق والأنغام الفرعونية وقتها كانت مالية الشوارع والمشهد النهائي كان استعراض عسكري مع إطلاق ٢١ طلقة تشريفية للملوك وهم بيدخلوا مثواهم الأخير.
وماينفعش نتكلم عن الإبهار زمانتكلمش عن تطوير طريق الكباش.. واللي بعد حوالي ست شهور بالظبط.. مصر أبهرت العالم للمرة التانية على التوالي والمرة ديه بحفلة تطوير طريق الكباش في الأقصر.. واللي بيكون أقدم طريق تاريخي في العالم.
الاحتفال وقتها رجع بينا الزمن ل7000 سنة.. وخلينا نخس بمواكب الملوك والآلهة اللي نقشوها على جدران المعابد بعد آلاف السنين.. لحظة جمعت بين الأصالة والتاريخ والاحتفال.
وتوصل للحدث الأكبر في القرن واللي أن شاء مش هيكون الاخير وهو المتحف المصري الكبير واللي هيام افتتاحه رسميا النهاردة وهيجمع بين أكبر ملوك ورؤساء وشخصيات في العالم وجاب السياح من اخر البلاد علشان بس يتفرجوا على عظمة مصر.
وفي النهاية كل الأحداث دي وصلت للمعلم الأعظم المتحف المصري الكبير أكبر متحف في العالم واللي أول متحف في العالم مكرس لحضارة واحدة بس الحضارة المصرية.
على مساحة حوالي نص مليون متر مربع وبيضم آلاف القطع الأثرية من كنوز توت عنخ آمون.. مقتنيات الملكة حتب مراكب خوفو وكل اللي بيحكي قصة مصر من قبل التاريخ لحد العصر الحديث.
المتحف مش بس مكان عرض ده تجربة بتجمع بين التكنولوجيا والتاريخ وبتعيشك في حضارة من أعظم الحضارات.
التعليقات