منفذ دولاري جديد فتحته مصر من صادرات الملابس الجاهزة.. يا ترى مصر حققت كام من صادرات الملابس الجاهزة للأسواق الخارجية.. وآية هيا الأسواق اللي مصر بتعتمد عليها في صادرات الملابس.
زيارة الصادرات الخارجية واحد من الأهداف الرئيسية عند الحكومة في الوقت الحالي، وده واحد من البنود الرئيسية في خطة مصر لزيادة موارد الدولة الدولارية، وتنويع مصادر الدخل الدولاري من الخارج، علشان كده الدولة بتتحرك في كل الاتجاهات علشان تنوع إنتاجها وتزود الصادرات وتفتح أبواب وايرادات جديدة في الناتج القومي.
بند مهم جدا من البنود اللي الدولة اشتغلت عليها علشان تزود الإيرادات الدولارية هيا صادرات الملابس الجاهزة واللي حققت رقم قياسي حلو جدا وصل لـ 2.21 مليار دولار في 8 اشهر فقط، والارقام دي مرشحة للزيادة وبنسب كبيرة في الفترة اللي جاية، خصوصا مع دخول شركات واستثمارات أجنبية كبيرة في السوق المصري واللي أغلبهم هربوا من بعض الدول الأجنبية بسبب الرسوم الجمركية الأمريكية اللي فرضها البيت الأبيض علي البضائع والواردات اللي بتدخل السوق الامريكي، خصوصا أن الرسوم الجمركية علي الملابس الجاهزة اللي خارجة من السوق المصري بتوصل لـ10%.
طيب إزاي مصر حققت زيادة في صادرات الملابس الجاهزة وآية المستهدف في الوقت اللي جاي ؟.
في الوقت اللي فات في عدد كبير من العوامل اللي ساعدت صادرات الملابس الجاهزة علشان لـ 2.21 مليار دولار في 8 اشهر، أولهم تكلفة إنتاج المنافسة اللي موجودة في السوق المصري، خصوصا أن العمالة في مصر أرخص نسبيا من دول تانية كتيرة، ده غير البنية التحتية اللي قامت بيها الدولة علي مدار السنين اللي فاتت واللي هيا السر الحقيقي في الاستثمارات الأجنبية اللي دخلت السوق المصري.
بند مهم من البنود اللي ساعدت مصر في تحقيق 2.21 مليار دولار من صادرات الملابس الجاهزة كانو الاتفاقيات اللي وقعتها مصر مع دول الاتحاد الأوروبي وبعض الدول التانية واللي أهمهم واكبرهم هو السوق الامريكي واللي علي أساسها كل بضائع وصادرت مصر من الملابس الجاهزة بتدخل بدون رسوم جمركية أو رسوم جمركية متخفصة جدا مقارنة بالرسوم المفروضة علي باقي دول العالم،وده بيدي ميزة للمصدر المصري إن المنتج يوصَل للسوق الأمريكي أو الأوروبي بمرونة أكثر من منافسين من دول ما عندهمش نفس التسهيلات.
الاتفاقيات التجارية اللي وقعتها مصر مع حكومات العالم الجارية كانت هيا العمود الفقري اللي علي أساسه صادرات الملابس الجاهزة وصلت للأسواق المستهدفة، وخلال الـ8 شهور اللي فاتوا صادرات مصر من الملابس الجاهزة ارتفعت في السوق الامريكي بنسبة 14٪ بإيرادات 877 مليون دولار من إجمالي صادرات الملابس الجاهزة، ووصلت نسبة الزيادة الي 36٪ لدول الاتحاد الأوروبي من إجمالي صادرات الملابس الجاهزة لاسواق أوروبا، ووصلت معدلات الزيادة في دول قارة أفريقيا لـ56%.
السر في الزيادة الكبيرة اللي حققتها مصر من صادرات الملابس الجاهزة كانو الاستثمارات الاجنبية ودخول رؤوس أموال أجنبية السوق المصري، خصوصا من تركيا والصين واللي اغلب المستثمرين عندهم هجروا بلادهم بسبب الرسوم الجمركية الأمريكية الكبيرة اللي فرضها البيت الأبيض علي صادراتهم في حين أن الرسوم المفروضة علي المنتج المصري بتوصل لـ10% بس.
الاستثمارات الأجنبية الجديدة اللي دخلت السوق المصري والبنية التحتية الكبيرة اللي قامت بيها الدولة خلال السنين اللي فاتت بتؤهل مصر أنها تحقق ارقام قياسية جديدة في صادرات الملابس للأسواق الخارجية.
التعليقات