في قرار مهم جدا الدولة أصدرته بخصوص قطاع الإسكان والقرار ده هيغير حاجات كتيرة جدا في السوق العقاري.. ياتري اية هو القرار ده .. وآية تأثيره علي سوق العقارات في مصر .
في أزمة كبيرة سوق العقارات في مصر بيعاني منها من كان سنة وهيا الفقاعة العقارية والمضاربات اللي بتحصل في سوق العقارات، وده خلي في كالة كبيرة جدا من الركود في السوق المصري، وطبعا ده جاي ضد توجيهات الدولة المصرية واللي شغاله وبكل قوة علشان تعظم الإيرادات من كل القطاعات.
خلال الساعات اللي فاتت وزير الإسكان والمرافق والمجتمعات العمرانية شريف الشربيني بإنشاء منصة إلكترونية لمنع التلاعب في قطاع العقارات، خصوصا أن الوزارة لاحظت إن في ناس من برّه السوق بتحاول تتدخل في السوق وتبوظه سواء بالمضاربة أو التسعير الغلط، وفي شكاوى كتيرة وصلت الوزارة والجهات الرقابية في الدولة من مواطنين ومستثمرين، عن المضاربات اللي بتحصل في سوق العقارات في مصر، علشان كده الدولة وتماشيا مع خطة الدولة لزيادة إيرادات قطاع الإسكان في الناتج القومي، اتجه لعمل بوابة إلكترونية علشان كل حاجة تبقى رقمية وشفافة، فكان لازم يبقى في أداة تدي ثقة للناس والمستثمرين.
طيب اية هدف الدولة من المنصة الالكترونية الجديدة وازاي هتحمي قطاع العقارات من المضاربات ؟.
الدولة عندها اهداف كتيرة من المنصة الجديدة لقطاع العقارات أولها أنها هتحمي المشتري بمعني لو واحد اتعرض لعرض مش مظبوط أو ورق مش واضح، يعرف يشتكي بسهولة، وكمان هتحافظ على سمعة السوق وتمنع أي طرف يبوظ شغل المطورين العقاريين، ده غير أنها هتفتح قناة مباشرة ما بين المواطن والوزارة، خصوصا انهم عملوا رقم واتساب علشان الشكاوى تترد بسرعة، وده بهدف الشفافية، والمشاريع والأسعار تبقى واضحة قدام الكل.
في الوقت الحالي سوق العقارات كان في أزمة كبيرة جدا وهيا أن السوق مقسوم نصين، ناس بتبيع كويس جدا وتكسب كويس قوي من الاستثمارات في قطاع العقارات، والجزء التاني واللي بيضم المطورين الصغيرين ودول بيعانوا بسبب ارتفاع الأسعار وتكلفة مواد البناء، والمبيعات عندهم واقعة شوية، والنتيجة النهائية لكل ده أن السوق مش كله طالع ولا كله نازل، في ناس بتكسب كويس وفي ناس بتتزنق، علشان كده الهدف الرئيسي من المنصة دي أنها تكون خطوة علشان السوق يبقى أنضف، والمواطن يحس إن فيه جهة بتحميه، وفي نفس الوقت المطور الجيدين يعرفوا يشتغلوا من غير ما حد يبوظ شغلهم.
التعليقات