أخبار لايت: استثمارات ضخمة وتعاون في مجالات مهمة وحساسة.. سنغافورة جاية تقلب الموازين في مصر

هو ليه سنغافورة فجأة بقت تركز على الاستثمار في مصر أكتر من أي وقت؟ وايه الاتفاقيات الجديدة اللي بتتوقّع وهتكون مفصلية في مجالات زي الصحة والزراعة والخدمات الاجتماعية؟ وهل المشاريع اللي بتتكلم عنها سنغافورة دلوقتي هتغير شكل الاستثمار في مصر ولا هتفضل مجرد وعود؟

مصر عندها مقومات كبيرة جدًا .. سوق كبير جدا.. عدد شباب طموح.. موقع استراتيجي بين أفريقيا وآسيا وإصلاحات بتحسين مناخ الاستثمار واهتمام حكومي واضح بجذب المستثمر الأجنبي.. على الناحية التانية سنغافورة نفسها عندها خبرة قوية جدًا في مجالات زي الإدارة الصحية والتخطيط العمراني الذكيو الزراعة المتطورة والخدمات اللوجستية والموانئ، والتعليم الفني والتدريب المهني. يعني الدولتين ممكن يكملوا بعض جدًا. طب ايه المشاريع اللي سنغافورة عاوزة تعملها أو اتّفقت عليها مع مصر؟

مصر وسنغافورة وقّعوا سبع مذكرات تفاهم مؤخرا في مجالات متنوعة زي  الصحة والأمن الغذائي و الخدمات الاجتماعية و دعم المشروعات الصغيرة والمتوسطة.

الاستثمار المباشر لسنغافورة في مصر وصل حوالي 530 مليون دولار تقريبًا.. و شركة Olam السنغافورية أعلنت إنها هتزود استثماراتها في مصر عشان توصل لـ 55 مليون دولارخاصة في قطاعات الزراعة والتجارة مع استغلال الموارد الطبيعية والقوى العاملة المدربة والبنية التحتية المتطورة.

كمان  في اتفاق قديم بين مصر وسنغافورة و تم توقيع مذكرة تفاهم بين الهيئة المصرية للنقل البحري وهيئة الموانيء السنغافورية عشان تقوم بتشغيل وتطوير بعض الموانئ المصرية  خصوصًا المتعلقة بمشروعات قناة السويس والموانئ البحرية الأخرى.

مصر وسنغافورة عندهم كمان اتفاقيات للتعاون في التدريب الفني والتقني، نقل الخبرة في تكنولوجيا المعلومات والذكاء الاصطناعي. مثلاً فيه مذكرة تفاهم لنقل المعرفة في الذكاء الاصطناعي..  كمان تم التركيز على جذب استثمارات سنغافورية في الطاقة المتجددة والبنية التحتية، والموانئ، كما ذكر وزير المالية في لقاء مع نظيره السنغافوري.

طب ايه سر اهتمام سنغافورة بمصر؟

فيه اسباب كتير اهمها البيئة المناسبة للاستثمار وإصلاحات تشريعية وتنظيمية و تحسين تسهيلات المستثمر الأجنبي، قانون الاستثمار، المناطق الاقتصادية الخاصة خصوصًا المنطقة الاقتصادية لقناة السويس .. مصر بتحاول تعمل كل اللي يطمّن المستثمر من حيث البيئة القانونية والتنفيذية.

ده بالاضافة الى ان العمالة المصرية أرخص من كتير من الدول المنافسة، ومع وجود قوة عاملة مهارة في بعض القطاعات، والبُنى التحتية بتتحسّن خصوصًا في النقل والموانئ.

واضح  كده إن سنغافورة ما بتدخلش مجال مجرد استثمار عابر لكنها بتبحث عن شراكات طويلة الأجل نقل معرفة وتقنيات واستثمار في القطاعات اللي هتكون محورية لمستقبل مصر.

ولو تم تنفيذ الاتفاقيات دي كلها باحترافية، مصر ممكن تشوف نقلة نوعية في قطاعات كانت محتاجة دفعة كبيرة، واللي ممكن تؤثر مش بس اقتصادها لكن مستوى الحياة والفرص للناس.